Este zaguer trimestre ya hen tornau ta la escuela de Plan. Con la reforma ha quedau bien pincha. Si dinantes feba goi dirye a dar clase, con lo solanera que ye (aun con es suels que se enfonsaban), ¡agora paix que un no se’n quiera dir!
Lo malo ye que en cuatro diyas tendrán que tornar a pintarla, perque ya se caye la pintura. Con lo poco que habría costau fer la cosa de güenas trazas y sin marafundiar perras dentro de poco tiempo un’atra vez…
Ixo sí, cal dar las gracias a’s pais d’es borches y al ayuntamiento de Plan, que nos han aduyau en tot lo que han puisto ta fer la mudanza y ta estar como en casa en el centro de diya estes meses.
